സംഗീതം

സംഗീതം ഒരിക്കലും അവസാനിക്കുന്നില്ല 
വേനലിൻ ചൂടിൽ ഒളിക്കാനൊരു തണൽ തേടുമ്പോൾ 
കൂമ്പാള നിറമുള്ള ജിതിൻ രാജ് 
കൂട്ടിനെത്തി 
ഒരു മെത്തയിൽ 
അവനെന്നോടൊപ്പം തളർന്നു കിടന്നു 
അഴിഞ്ഞു പോയ വസ്ത്രങ്ങൾ 
ലജ്ജയില്ലാതെ ഇണ ചേരുന്നത് 
ഞങ്ങളെത്ര നേരം കണ്ടിരിക്കും !
ഞങ്ങളുമതിനാൽ ഇണചേർന്നു രസിച്ചു 


സംഗീതം ഒരിക്കലുമവസാനിക്കുന്നില്ല 
തണുത്ത ഡിസമ്പറിൽ 
കത്തുന്ന അടുപ്പിനരികിൽ ഇരിക്കുമ്പോൾ 
ഗോതമ്പ് നിറമുള്ള ദേവലാൽ കൂട്ടിനെത്തി
വസ്ത്രങ്ങൾ തമ്മിലുരഞ്ഞു 
പിന്നെയവ നാണമില്ലാതെ ആലിംഗന ബദ്ധരായി 
ഞങ്ങളത് എത്ര നേരം കണ്ടിരിക്കും ?
ഞങ്ങൾ വസ്ത്രങ്ങളെ ഇണചേരാൻ വിട്ട് 
കമ്പിളി പുതപ്പുകൾക്കടിയിൽ അഭയം തേടി 
അവൻറെ ശരീരത്തിൻ ചൂട് എന്നെയും 
എൻറെ ശരീരത്തിൻ ചൂട് അവനെയും ആകർഷിച്ചു 
ഞങ്ങളുടെ ശരീരങ്ങൾ ഇണചേരുന്നത് 
ഞങ്ങളറിയുന്നുണ്ടായിരുന്നു