പ്രേമലേഖനം

ഒരു പ്രേമലേഖനമെഴുതാൻ സമയമായി 


അവനെന്നോട് പറയുന്നത് ---
ഞാനിതുവരെ വിശ്വസിച്ചിട്ടില്ല ----
അവനെന്നോട് കലശലായ പ്രേമമാണെന്നാണ് !
അവനെനിക്ക് ശബ്ദ സന്ദേശമയച്ചിരിക്കുന്നു !
അവനെന്നോട് " ഐ ലവ് യൂ " എന്നല്ലാതെ 
ഒന്നും പറയാനില്ല 

അവൻ സുന്ദരനാണ് 
അവൻ എല്ലാവരിലും സുന്ദരനാണെന്ന് 
ഞാൻ പറയില്ല 
എനിക്ക് അവൻ സുന്ദരനാണ് , അത്ര മാത്രം 
അവനെക്കാൾ സൗന്ദര്യമുള്ളവരുണ്ട് 
ആയിക്കോട്ടെ , അവരോടെനിക്ക് 
പ്രണയം തോന്നിയില്ല 
തോന്നുന്നില്ല 
ഇവനെ കണ്ടമാത്രയിൽ ഞാൻ പറഞ്ഞു 
" ഡാ നീ സുന്ദരനാണ് "
അവനാദ്യം അത് തമാശ ആയെടുത്തു 
ഞാൻ പറഞ്ഞു :" ഡാ , തമാശയല്ലിത് "
" നീ സുന്ദരനാണെന്ന് , എനിക്ക് നിന്നെ ഇഷ്ടമാണ് "
അവൻ പറഞ്ഞു , വേറെന്തെങ്കിലും പറയ് 
ഞാൻ പറഞ്ഞു , ശരി , വേറെ പറയാം 
നിന്നെ എനിക്ക് ഇഷ്ടമാണ് 
അതല്ല 
മാറ്റി പറയാനല്ലേ നീ പറഞ്ഞത് ?
അതേ 
മാറ്റി പറഞ്ഞില്ലേ, ഞാൻ ?
ഇല്ല 
നീ ശ്രദ്ധിച്ച് നോക്ക് --
ആദ്യം ഞാൻ പറഞ്ഞത് :
" എനിക്ക് നിന്നെ ഇഷ്ടമാണ് "
പിന്നീട് പറഞ്ഞത് :
"നിന്നെ എനിക്ക് ഇഷ്ടമാണ് "
ഓ , അങ്ങനെ 
ഉം , അങ്ങനെ 
ഇപ്പോൾ അവനെന്നെ പ്രേമ വചസുകൾ കൊണ്ട് 
ആഹ്ലാദിപ്പിക്കുകയാണ് 
ഞാനവനെ വിശ്വസിച്ചോട്ടെ ,
ഒന്നുകിൽ അവനെന്നെ സ്വർഗത്തിലേക്ക് 
അല്ലെങ്കിൽ കണ്ണീർക്കായലിലേക്ക് 
കൂട്ടിക്കൊണ്ടുപോകും 


ഏതായാലും ഞാനവനൊരു 
പ്രേമലേഖനം എഴുതിക്കോട്ടെ !!!