എത്ര നല്ലതാണ്

ഞാനെന്ത് പറയാനാണ്.
എല്ലാം ഉപേക്ഷിച്ചതാണ് .
പിന്നെ വേണമെങ്കിൽ വേറെ സൈറ്റ് ഉണ്ടല്ലോ.
അപ്പോൾ വന്നിരിക്കുന്നു ഫേസ് ബുക്കിൽ 
അവന് വല്ലാത്ത പ്രേമം 


ഒരു ചെക്കന് പ്രേമം വന്നാൽ 
എങ്ങനെ മുഖം തിരിച്ചു നിൽക്കും ?
കൊള്ളാം , നല്ലൊരു ചെക്കൻ 
ഇഷ്ടമായി 

ഓ , ഇതൊക്കെ ചുമ്മാ 
ഞാൻ ശരിക്കും പ്രേമിച്ചിരുന്നൊരു ചെക്കനെ 
അവനെന്നെ തിരസ്കരിച്ചപ്പോൾ 
വല്ലാതെ വിഷമം തോന്നി 
ഞാനവനെ അത്ര സ്നേഹിച്ചിരുന്നു 
അവന് പുസ്തകങ്ങൾ അയച്ചുകൊടുത്തിരുന്നു 
അവനോടു മൊബൈലിൽ സംസാരിച്ചിരുന്നു 
എന്നിട്ട് ഒടുവിൽ അവൻ പൊയ്ക്കളഞ്ഞു 
എനിക്ക് വല്ലാതെ വിഷമം തോന്നി 
ശോഭനയെ നഷ്ടമായപ്പോൾ തോന്നിയതുപോലെ 


അന്ന് ഞാൻ ആത്മഹത്യയെ കുറിച്ച് ആലോചിച്ചു 
റൂമിലെ സീലിംഗ് ഫാനിൽ 
വിഷം 
അങ്ങനെ പലതുമാലോചിച്ചു 
അവളുടെ ഭർത്താവിനെ കൊന്നാൽ 
പോലീസ് അവളെ ചോദ്യം ചെയ്യുമല്ലോ 
എന്നോർത്തപ്പോൾ അത് വേണ്ടെന്ന് വെച്ചു 

ഇന്ന് ഞാൻ അവനെ തട്ടിക്കൊണ്ടു വരുന്നതിനെ കുറിച്ച് 
അവൻറെ സ്നേഹിതനെയുപയോഗിച്ച് പിടികൂടാൻ 
അവൻ വരുന്ന വഴിയിൽ കാത്ത് നിന്ന് പിടികൂടാൻ 

ശോഭനയെ മറന്നതുപോലെ 
ഞാൻ അരുണിനെയും മറന്നു 

അങ്ങനെയാണ് 
കാലം എല്ലാം മറയ്ക്കും 
എല്ലാം മറക്കാൻ കഴിയുന്നത് 
എത്ര നല്ലതാണ്