ഉപയോഗമൂല്യം

ആളൊഴിഞ്ഞ  ഒരു വായനശാലയിൽ 
അവൻ പതിവായി വന്നിരിക്കും 
അവൻ അവിടെ അങ്ങനെ ഇരിക്കും 
പത്രം വായിക്കും , പരസ്യങ്ങളും 
മരണവും , എല്ലാം വായിക്കും 
എല്ലാ പത്രങ്ങളും വായിക്കും 
വായിച്ചിട്ട് അവിടെയിരിക്കും 
പിന്നെയും പിന്നെയും വായിക്കും 
എവിടെയും പോവില്ല 
രാവിലെ വന്നാൽ വൈകുന്നേരം വരെ 
അവൻ അവിടിരിക്കും 
വൈകിട്ട് ലൈബ്രെറിയൻ 
അവനെ പുറത്താക്കി അതടച്ചു പോകും വരെ 
അവനവിടിരിക്കും 


ഞാനിതെങ്ങനെ അറിഞ്ഞെന്നല്ലേ ?
ആദ്യമൊന്നും ഞാനറിഞ്ഞില്ല 
ചിലസമയങ്ങളിൽ ഞാനവിടെ ചെല്ലും 
അവിടിരുന്ന് പത്രം വായിക്കും 
അപ്പോൾ അവനവിടെയുണ്ടാവും 


ഹാ ഹാ ആദ്യമായി അവനെ കണ്ടപ്പോൾ 
എനിക്ക് വലിയ വിഷമം തോന്നി 
നാളെ ഇവനെ കാണാൻ പറ്റുമോ ?
അവനെ അറിയില്ലല്ലോ 
ഞാൻ പത്രത്തിലല്ല നോക്കിയത് 
ഞാൻ നോക്കിയത് അവനെയാണ് 
അന്ന് പത്രമെടുത്ത് കയ്യിൽ വെച്ചതല്ലാതെ 
ഒന്നും വായിച്ചില്ല 
അവനോ , എന്നെയൊന്ന് നോക്കിയതേയില്ല 
അവനത്ര അഴക് വഴിയുന്നവനൊന്നുമല്ല 
പിന്നെ അവനെന്താ ഇത്ര ?

ലേശം കറുത്തിട്ടാണ് 
ലേശം മെലിഞ്ഞിട്ടാണ് 
ലേശം കൂർത്ത മുഖമാണ് 
ലേശം കറുത്ത നേരിയ വര പോലെ 
മേൽച്ചുണ്ടിൽ ഒരു മീശ 
മുഖത്തോ ശരീരത്തിലോ രോമമില്ല 
അവനെ കണ്ടപ്പോൾ എനിക്ക് ഒരു ഭ്രമം 
അങ്ങനെയാണ് ചിലർ 
സുന്ദരനോ സുന്ദരിയോ ആവില്ല 
ആളുകൾ പിന്നാലെ നടക്കും 
കണ്ടാൽ കൊതി തോന്നും 
എല്ലാം മറന്ന് പിന്നാലെ നടക്കും 


അവൻ രാവിലെ വന്നാൽ വൈകിട്ടേ പോകൂ 
എന്ന് ഞാൻ കണ്ടുപിടിച്ചു 
ലൈബ്രറിയുടെ അടുത്ത് ഒരു പൊതു ടാപ്പ് ഉണ്ട് 
അതിൽ നിന്നവൻ രണ്ടു കവിൾ വെള്ളം കുടിക്കും 
ഒരു കുമ്പിൾ വെള്ളം കൊണ്ട് മുഖം കഴുകും 
ഈ രണ്ടു കവിൾ പൈപ്പ് വെള്ളമാണ് 
അവൻറെ ആരോഗ്യത്തിൻറെ  രഹസ്യം 


ഒരു ദിവസം ഉച്ചയ്ക്ക് 
വെള്ളവും കുടിച്ച് വന്ന അവനോട് 
ഞാൻ പറഞ്ഞു : "വാ "
" എവിടെയാ ?"
" വല്ലതും കഴിച്ചിട്ട് വരാം "
" എനിക്ക് വേണ്ട "
" വാടാ , ഇന്ന് എൻറെ ചിലവാ , നീ വാ "
"നിങ്ങള് പോയികഴിച്ചോ , എനിക്ക് വേണ്ട "
ലൈബ്രറിയിൽ ആരുമില്ലാത്തതിൻറെ ധൈര്യത്തിൽ 
ഞാനവനെ പിടിച്ചു :  "നീ വാ "
"വേണ്ട "
അടുത്ത ക്ഷണത്തിൽ അവൻ എൻറെ നെഞ്ചോടൊട്ടി നിന്നു 
അവൻറെ കറുത്ത നേർത്ത ചുണ്ടുകൾ എൻറെ വായ്ക്കുള്ളിലായി 
ഞാനാ ചുണ്ടുകൾ ചപ്പി 
പിന്നെ വിട്ടു 
അവൻറെ കണ്ണുകൾ വികസിച്ചു 
കവിളിൽ ലജ്ജ നിഴലിട്ടു 
"വിട് , വരാം " , അവൻ പറഞ്ഞു 
അവൻ ചുണ്ടുകൾ തുടച്ചു 
എന്നോടൊപ്പം വന്നു 


ആളൊഴിഞ്ഞ ഇടവഴിയിൽ 
ഇടിഞ്ഞു പൊളിഞ്ഞ ഒരു കെട്ടിടം കാട്ടി അവൻ പറഞ്ഞു 
" ഇതിൻറെ പിന്നിൽ ആരും വരില്ല "
അവൻ കരുതിയത് ഞാൻ അവനെ അതിന് കൊണ്ട് പോകയാണെന്ന് 
അങ്ങനെയും ഒരു സാധ്യതയുണ്ടെന്ന് ഞാൻ മനസിലാക്കി 
ഞാൻ അവനെ ഹോട്ടലിലേക്ക് കൊണ്ട് പോയി 


സുരക്ഷിതമായ എൻറെ  മുറി ഞാനവന് പരിചയപ്പെടുത്തി 
പിന്നെ അവനെ ആഹാരം കഴിക്കാൻ വിളിച്ചാൽ 
ഒരു മടിയുമില്ലാതെ അവൻ വരും 
അവനും ഒരു ഉപയോഗമൂല്യം ഉണ്ടെന്ന 
അറിവ് അവനിൽ വലിയൊരു മാറ്റം ഉണ്ടാക്കി 
അവൻ ലൈബ്രറിയും പൊളിഞ്ഞ കെട്ടിടത്തിൻറെ പിന്നാമ്പുറവും 
എന്നെന്നേക്കുമായി ഉപേക്ഷിച്ചു 
ഒരു ചായയ്ക്കും ഒരു വടക്കുമായി --
പലപ്പോഴും അതുപോലുമില്ലാതെ ---
അവനെ ചൂഷണം ചെയ്തുപോന്നവർക്ക് 
അവനെ കിട്ടാതെയായി 
നല്ല ഭക്ഷണവും നല്ല വസ്ത്രങ്ങളും 
അവന് ഗുണം ചെയ്തു 
അവൻ ഒരു വലിയ ഷോപ്പിലെ സെയിൽസ് മാനായി 
അപ്പോഴും അവൻ എന്നോടൊപ്പം എൻറെ മുറിയിൽ തന്നെ