ഒരിക്കൽ കൂടി

അവനും ഞാനുമായി വർഷങ്ങളുടെ ബന്ധം ആണുള്ളത് 
ഇടയ്ക്ക് ഞാനവനൊരു സന്ദേശം അയയ്ക്കും 
അവൻ മറുപടി അയയ്ക്കും 
അത് ചൂട് പിടിക്കും 
എല്ലായിപ്പോഴും ഒരേ സന്ദേശങ്ങൾ 
ഇഷ്ടമാണ് നിന്നെ 
എനിക്കും ഇഷ്ടമാണ് 
ഫോട്ടോ തരുമോ 
അവൻ  ഫോട്ടോകൾ തരും 
മൊബയിൽ നമ്പർ തരും 
ഇഷ്ടമായി 
കാണണം 
എനിക്ക് ചേട്ടനെ ഇഷ്ടമാണ് 
എനിക്ക് നിന്നെ ഇഷ്ടമാണ് 
എനിക്ക് നിന്നെ കാണണം 
എനിക്ക് ചേട്ടനെ കാണണം 
എവിടെ വരണം 
പാലായിൽ വരണം , മുറിയെടുക്കണം 
നൈറ്റ് പറ്റില്ല ; പത്തിനും അഞ്ചിനുമിടയ്ക് 
വരുമോ? , വരില്ലേ ?
പ്രായം എത്രയെന്നാ പറഞ്ഞത്?
ഇല്ല, ഞാൻ വരില്ല ; അത്രയും പ്രായമുള്ളവരെ എനിക്കിഷ്ടമല്ല 
പിന്നെ മറുപടിയില്ല 
വീണ്ടും കുറെ നാൾ കഴിഞ്ഞ് മറ്റൊരു ഐ ഡി യിൽ നിന്നും വീണ്ടും സന്ദേശം 
ചേട്ടനില്ലാതെ എനിക്ക് ജീവിതം ഇല്ല , പ്രോമിസ്
പ്ലാനറ്റ് റോമിയോവിൽ അവനിന്നും ഉണ്ട് 
ഞാനൊരു പെണ്ണാണ് എന്ന പ്രസ്താവത്തോടെ 
തുടക്കത്തിൽ പേരും സ്ഥലവും പ്രായവും പറയും 
ഫോട്ടോകൾ കൈമാറും 
അനേകം സന്ദേശങ്ങൾ 
ഒടുവിൽ 
ചേട്ടന് പ്രായം കൂടുതലാണ് , സോറി 



ഓരോ തവണയും എനിക്ക് പ്രായം കൂടുതലാണ് 
എന്നവൻ പ്രസ്താവിക്കും മുൻപ് 
അവൻ ചോദിക്കുന്നു 
ഇരുപതിനായിരം തരുമോ ?
അൻപതിനായിരം തരുമോ?
പിന്നെ പറയുന്നു 
ഉറക്കത്തിൽ റ്റൈപ്പ് ചെയ്തതാണ് 
എന്താ റ്റൈപ്പ് ചെയ്തതെന്ന് അറിയില്ല 
ഓർമ്മയില്ല 
പിന്നെ അവൻ പറയുന്നു 
ചേട്ടന് പ്രായം കൂടുതലാ 



അവന്റെ പോസ്ടിങ്ങുകളിൽ നിന്നും ഞാനറിയുന്നു 
അവൻ ജോസ് എന്നൊരു ബിസിനസ്സുകാരനൊപ്പം 
ഒരു രാത്രി കഴിയുമെന്ന് 
ജോസ് അവനു സമ്മാനമായി പതിനായിരം രൂപ ഓഫർ ചെയ്തിട്ടുണ്ടെന്ന് 
പിന്നീട് ഞാനറിയുന്നു , ജോസിനൊപ്പം അവൻ ഒരു രാത്രി കഴിഞ്ഞു എന്ന് 
അതൊരു മറക്കാനാവാത്ത അനുഭവം ആയിരുന്നു എന്ന് 
ആ രാത്രിയ്ക്കും പതിനായിരത്തിന്റെ സമ്മാനത്തിനും 
അവൻ  നന്ദി പറയുന്നു 
അടുത്ത പോസ്റ്റിൽ അവൻ ജോസിനെ പ്രാകുന്നു 
പതിനായിരം കൊടുക്കാമെന്നു പറഞ്ഞു പറ്റിച്ചതിനു 


അടുത്ത തവണ ഞാൻ വീണ്ടും മെസ്സേജ് അയച്ചത് ഇങ്ങനെ 
"ഒരിക്കൽ കൂടി നിന്നോടൊപ്പം ഒരു രാത്രി കഴിയണം "
"ആരാ ?"
" ഞാൻ മാത്രമേ ഉള്ളൂന്ന് പറഞ്ഞിട്ട് ?"
"ചേട്ടൻ റൂം എടുത്തിട്ട് മെസ്സേജ് ചെയ്യ് "


അങ്ങനെയാണ് , ഞാനവനുമായി ഒരു രാത്രി കഴിഞ്ഞത്